尖奇遇

之前去gym有個女人又好笑：
我去將個開緊嘅電視開大聲(開到去個Gym平日開電視嘅聲浪), 想聽下房祖名向公眾道歉(雖然我唔明點解佢要向個"社會"道歉)。
個女人就話要刪細個電視，因為睇電視就應該番屋企睇。
於是我就問佢：咁人地擺個電視喺度做咩嫁？
佢無聲出，跟住又話：算啦算啦。。。
個女人睇落成個行運一條龍個呀薇咁款，個樣又谷住度氣咁，一陣之後突然氣沖沖走左去刪細個電視。
佢不時瞰住我有無校番大聲，因為正路應該會同佢鬥玩開大開細(可能佢好需要有人俾佢"發射")。
之後我行埋部電視度，順手息埋佢。 佢世估唔到我竟然無同佢鬥， 我見佢個樣谷到唔知點咁哈哈哈哈哈哈。
家父說：呢招高！